আজি বিশ্ব ফটোগ্ৰাফী দিৱস। ফটোৰ গুৰুত্ব সকলোৰে জীৱনত অতি বিশেষ । কাৰণ ফটোগ্ৰাফেই হৈছে সেই মাধ্যম যাৰ জৰিয়তে আমি আমাৰ ইতিহাসত উকি মাৰিব পাৰো । দৃশ্যমান কলা হিচাপে আলোকচিত্ৰ বা ফটোৰ যুগান্তকাৰী ভূমিকাৰ কথা সৰ্বজনবিদিত।ডিজিটেল যুগতো ফটোৰ প্ৰসাৰে পাইছে বিশেষ গুৰুত্ব।
সকলোৰে জীৱনত ফটো অতি গুৰুত্বপূৰ্ণ । মানুহে তেওঁলোকৰ ইতিহাস কেৱল ফটোৰ জৰিয়তেহে দেখি আহিছে আৰু বুজি পাইছে । ফটোগ্ৰাফৰ এই গুৰুত্ব বুজাবলৈ প্ৰতি বছৰে ১৯ আগষ্ট তাৰিখে বিশ্ব ফটোগ্ৰাফী দিৱস পালন কৰা হয় ।সাধাৰণতে ফটো সকলোৰে বাবে জীৱনৰ বাবে বিশেষ কাৰণ ইয়াৰ দ্বাৰা প্ৰত্যেকগৰাকী ব্যক্তিৰ জীৱনৰ সৈতে জড়িত অতীতৰ মুহূৰ্তবোৰ পুনৰ জীয়াই তোলাৰ সুযোগ লাভ কৰা হয় । কিন্তু পৃথিৱীৰ ইতিহাসত ফটোৰ গুৰুত্বও বুজিব লাগিব । কাৰণ ইতিহাসৰ পৃষ্ঠাত যি লিপিৱদ্ধ কৰা হৈছে সেয়া কেৱল ফটোগ্ৰাফৰ জৰিয়তেহে জনা যায় । সেয়ে আজি বিশ্ব ফটোগ্ৰাফী দিৱস উপলক্ষে প্ৰথমে ইয়াৰ ইতিহাস সম্পৰ্কে জানো আহক।
ইতিহাস-
ফটোগ্ৰাফীৰ জৰিয়তে সকলোৰে ইতিহাস সংৰক্ষণ কৰা ফটোগ্ৰাফীৰ ইতিহাস বহুত পুৰণি । উল্লেখ্য যে, ১৮৩৭ চনত পোন প্ৰথমে ফ্ৰান্সত বিশ্ব ফটোগ্ৰাফী দিৱস উদযাপন আৰম্ভ হৈছিল । ফ্ৰান্সৰ জোচেফ নাইচেফোৰ আৰু লুই ডগাৰে ১৯ আগষ্টৰ পৰা এই দিনটো আৰম্ভ কৰিছিল এটি ফটোগ্ৰাফী প্ৰক্ৰিয়া।। দুবছৰৰ অন্তত ফৰাচী বিজ্ঞান একাডেমীয়ে দুয়োৰে আৱিষ্কাৰক প্ৰশংসা কৰি ইয়াক বিশ্বৰ বাবে এক উপহাৰ বুলি অভিহিত কৰে। ইয়াৰ পিছতে ফ্ৰান্সত তেতিয়াৰ চৰকাৰে এই দিৱস উদযাপন কৰাৰ কথা ঘোষণা কৰিছিল । তেতিয়াৰ পৰাই প্ৰতি বছৰে ১৯ আগষ্টত বিশ্ব ফটোগ্ৰাফী দিৱস পালন কৰা হয় ।